有時候, 暗粒暗瘡真係要揾下醫生的幫助! D皮膚藥真係好work! 由我媽咪後生時已經睇開佢, 依家張醫生我全家上下有咩皮膚問題都要揾佢
2014年6月28日 星期六
The Balm - Mary-Lou Manizer
自從早陣子買左cle de peau的highlighter後, 就愛上左用highlighter, 用左個妝係靚D, 用在C位, 人中的地方! 好多人都話呢個光澤感係好靚, 好似打左燈咁樣, 依家都出了3款色, 呢款係帶金色光澤, 有款係帶粉紅色, 最新個款就係比較深膚色的女仔用
講真, 價錢唔貴, 而且有種可以用到天荒地老的感覺......大大盒.....
摸上手係好creamy的, 滑滑濕濕咁樣, 粉質好幼細!
係幼細到上到皮膚令你覺得那是光澤, 而不是一道highlighter, 一堆閃粉!
我覺得比起cle de peau的那個還要好用
Laura Mercier 好用品(Camouflagr Secret, High Coverage Concealer For Under Eye, Mineral Pressed Powder SPF15)
一心想買遮瑕膏, 買買下又買左幾樣野
我用過之後, 只係想講句, 早知早D買啦! 用黎遮暗瘡, 暗瘡印的話係好用過cle de peau好多!(我強調係遮暗瘡, 暗瘡印), 係遮得好靚, 特別係D紅印, 總之我D印比佢遮到8, 9成, 又唔會好易溶番出黎! 加上BA話係有洋金菊成份加上無油份, 所以就算用在暗瘡皮膚都冇問題, 我用了之後都冇特別出一D怪東東, 反而覺得D暗瘡仲會快D乾身
用埋右手邊佢專用上遮瑕膏的掃上, 效果更好! 用輕輕拍上去的手法
之後有次去行去專櫃睇野, 同個BA傾開計, 佢先話好少賣SC-4色, 通常係SC-3色多, 因為左邊深色個格真係少用, 就算係混色都只係用好少.....
呢枝High Coverage Concealer For Under Eye, 遮瑕度同質地係唔錯, 遮瑕度都高同pigmentation, 我眼底唔算乾所以質地我自己鍾意, 唔會太潤, 但眼底比較乾的人就應該唔太啱用, 有另外一款係潤身D的可以選擇, 但呢個High Coverage Concealer For Under Eye係不能夠用在暗瘡上, 因為入面有蜜糖成份, 暗瘡會生得仲勁!
最可惜的係, 個BA又選錯色比我, 淺色左D, 唉......
礦物粉自己都幾愛用, 加上有化妝師又推介過呢個, 其實用礦物粉真係好方便, 加上步驟又少又快, 同平時上粉底的效果我又覺得唔會差太遠, 趕時間用係好正!
呢個Mineral Pressed Powder我覺得幾好用, 相對Bare Minerals黎講, Laura Mercier個遮瑕度係比Bare Minerals高, 但相對地出油之後, 我又始終鍾意Bare Minerals多一D
顏色係real sand, 3樣野之中, 呢個顏色係最啱我的.....(唔開心...)
Laura Mercier Foundation Primer SPF 30+++
係買野的板仔, 好多人話佢呢個base好用, 我意思係依家有了SPF30+++, 以往舊個款係冇任何防曬的, 我已經冇用D冇SPF的base好耐喇, 冇咩意思, 冇防曬仲要冇顏色?! 早幾年個枝我用到一半, 都比了我表妹! 依個新出的有SPF了, 用左3幾日, 我都係覺得一般, 用了之後上粉底, 會一達達, 我真係唔知係咩問題, 都只不過係好似平時咁樣化妝!
再送的呢枝係冇色冇SPF的base......還是比了我的小表妹! 我表妹成日講, 佢依家都唔使買化妝品.....
2014年6月27日 星期五
2014年6月26日 星期四
2014年6月24日 星期二
Nars的3款胭脂 Orgasm, Desire, Torrid
Desire睇落去好似好公仔的顏色, 其實佢係款好可愛好靚的粉紅色!我自己黎講係比較鍾意一D粉紅色的胭脂, 覺得自己用粉紅色比起橙色之類的顏色好睇D
當然唔少得 Orgasm, 唔知點形容呢個色, 珊瑚色? 又唔係, 好多閃粉, 有金又帶粉紅底....
第三只色係 Torrid! peach色偏少少橙
人人都鍾意Nars的胭脂, 自己都係fans之一
2014年6月21日 星期六
Nars Issist
路過係想買盒眼影, 估唔到Nars Issist仲有貨, 唔買下次再轉頭先買, 應該冇喇....
15色眼影, 超實用, 太地色為主, 但有一格紫色同一格灰藍色配襯一下!
其實Nars好少出一D有咁多色的palette的, 加上係實用色! 一定要買啦!
係一個set咁賣的, 有個15色眼影, 一枝blending掃, 同一枝眼影打底霜!
另外我再買了一盒duo eyeshadow, 我見只色好靚!
色叫marie-galante
個掃用緊, 好好用, 又夠軟
打底我就未用, 仲有2枝UD未開! 遲D再用
2014年6月20日 星期五
Nature Republic 幾件愛用產品分享
行開MK見到Nature Republic香港都開設了專門店, 咁多個韓國護膚牌子我最鍾意Nature Republic的產品, 因為真係好用同啱自己的皮膚用!
愛用佢地的Mask, 用完塊面真係感覺到冇咁乾, 特別係甩皮的位置! 同埋最重要係你感覺到用完之後係有用過野囉! 好多韓國D Mask用左會好似冇用咁!
仲有仲有, 係好香mango味道的洗手液, 好香D熱帶水果的香味!
仲有呢枝保濕精華, 我之前在韓國買的, 本身冇抱咩寄望買回來, 但估唔到又係好好用, 清爽一D都唔笠, 但又做到保濕的效果! 但我今次在香港呢度睇, 我又唔見有得賣? 唔知係香港冇丫? 定轉了包裝?.......
當初買黎用, 我只係覺得佢一粒粒在入面, 好得意!
2014年6月19日 星期四
Priscilla Chan Concert 2014
哈, 坐得好前, 第四行
仲見到何傲兒拍實林健明添.....
同佢地兩公婆一齊去睇
第一場有張學友做嘉賓!! 個個人都high到爆!!
我真係好後悔冇帶部單反去, 諗住坐得前, 用iphone影都得啦, 點知咪得到咁囉....
係D燈太光, 咩都影唔到
睇完去洲際飲杯野先! 叫左杯叫nine dragon的東東
第2日我在報紙度攞落黎.....
