我愛Queer as Folk

呢期對QAF呢套劇集正處於狂熱之中, 依家我睇到第二季中段咁上下, 可惜呢段時間我有好多事忙緊, 冇時間埋頭埋腦睇之餘亦都冇心去慢慢回味, 好啦..遲少少一口氣睇到佢夠為止!!

我一向都覺得自己睇得好孤獨, 因為我身邊冇人有睇, 所以同唔到身邊o既人分享我對QAFo既喜悅....!!但原來唔係架, 我揾到關於QAF討論區, 原來我並唔孤獨, 有好多人都有睇!!有好多人陪我。

對於第一季, 我係知道Justin都好勇吓! one night stand之後仲係咁追Brian, 後生痳!!想做咩就做咩, 唔會後悔!!! Brian就有啲係玩玩吓(真係只係為Fuck)!! 但到後來, Justin反而處於領導位置, Justin自己一個去o左New York, 但佢又去揾人喎!!如果唔鍾意就唔去揾番人啦!! 全套戲入面有好多地方好笑, 係頂隱囉, 啲對白呀!!....我除o左鍾意Justin之外, 都鍾意Debbie同Emmett!!呢兩個角色都好過隱!!

我覺得有時睇Brian同Justin相處都好好睇, 唔知點講, 係兩個有有啲微妙之處!!有時覺得Brian對Justin好差, 有時又為佢著想, 對佢好架喎, J佢冇地方訓, 冇屋企番時, 又會叫佢留底.....

最浪漫一幕就係最尾一集佢o地兩個人跳舞o個part!!真係掂喎!! 我睇都覺得好甜, Brian當眾o係畢業舞會kiss Justin, 我覺得係一種對對方o既肯定...有save the last dance for me做背景音樂, 直到依家我腦海入面都仲浮現住呢幕。

除此之餘, 劇中仲有好多正歌呀!! 我以前唔鍾意聽Disco既歌, 依家成日聽住, 又覺得唔錯bor!! 聽聽吓又會諗番起劇中o既情節。仲有學到好多粗口, 依家成日講野都帶有, shit, bullshit...呢兩個星期仲好笑, 有幾個人MSN問我關於呢套戲o既野!!so good大家一齊睇。

有時覺得愛呢樣野真係好難講, o係同性戀或異性戀之間都好難去揾到答案。有時係真係愛丫?!係同一個人相處得耐o左有o左感情丫?定係真係有一見鍾情呢?  is hard to say

雖然未睇完, 唔知道佢o地會何去何從, 我見過人o地用波德萊爾一段語錄形容

也許你我終將行蹤不明,

但是你該知道我曾為你動情。