大話愛情

你有冇呃過你的愛人?  你有冇o係你o既愛人面前講過大話?

    你不想承認? 還是你不敢承認?

    我承認我講過好多好多大話, 其實現在回想起也感到內疚。兩個人o係埋一齊應該可以好坦誠, 不過, 我們都應該知道其實人有好多陰暗面, 好多不為人知的陰暗面: 醜陋的、黑心的、陰險的.....

    我內疚是因為我們曾經坦白過, 我們曾經每晚都絲絲細語, 說著聽著大家的心底話, 沒有一點隱瞞一分欺騙, 不過, 忘記了由幾時開始, 我學會了對你講大話, 什至愛上跟你講大話。已經再沒有在床邊絲絲細語, 因為我們都害怕給對方拆穿。

    如果你問我點解要講大話, 一開始可能只是因為我唔想去解釋一些事情, 又或者我做o左一些事情而唔想令你誤會或唔開心, 認真的, 出發點是為著愛人的, 千真萬確!!

    不過當你愈講愈多大話的時候, 你已經沒可能停止了, 因為原來你跟愛人之間, 已經充滿著一個又一個講不完的大話, 已經再不可能有真話的存在。如果可以, 我希望我從來冇呃過我的愛人。

    因為我們都不應該去欺騙一份真愛, 一個你真心愛的人。