SK II神仙水

話說上年十月份, 日日睇廣告好似洗腦咁!!  其實好多人都話好用, 又點好又點好咁, 咁我又試吓啦!! 但我就無褔消受, 皮膚用完後敏感!! 出d紅色的粒粒, 又痕! 可能係因為有bb的原因, 皮膚比較敏感, 所以唯有停用, 比媽媽用啦!!  

事隔大半年, 我又比次機會佢同自己, 心諗, 冇理由咁多人都話正, 自己咁黑仔唔啱用加痳!! 呀~ 今次用番又冇敏感出粒粒的情況喎, 只係第一, 二次用後有d吉吉地咁樣o既感覺姐。用後第三日, 我起身媽咪早上見到我問我, 阿女你塊面好似靚o左喎!! 到依家用了一個星期, 自己覺得油脂粒暗粒真係少o左, 唔止睇落去滑o左, 摸上去都係滑o左同軟o左咁!! 仲有個額頭, 鼻位呀真係好有光澤!! 上粉底都貼d! 睇黎真係要keep住用喇!!