西貢食海鮮

實在太滿足了, 唔理膽固醇同皮膚敏感住.....食o左至講!!


o係洪記食, 第一次試呢間, 好新鮮好靚d海鮮! 

都好厚肉呀!!

果皮蒸鮑魚, 最鍾意食鮑魚, 好鮮甜呀!! 

都有我一只食指咁長。

我已經放下o左對食完海鮮皮膚敏感的戒心, 盡情地食番餐!!

西貢家庭樂

未出發先興奮....!! 

怕曬的我!! (豬仔個樣勁好笑)

去公園玩不知幾開心

下午時份同佢去下附近的公園玩, 幾咁開心呀佢, 等佢行下跑下, 消耗一下無限的精力!! (等佢可以早d訓....哈哈

在家打發日子的一天

有時成日o係屋企, 都覺得佢好似會好悶好無聊咁....

捉住baba陪佢玩

Apivita 蜜糖

蜜糖對身體有幾多好處, 個個都知道啦!!  我都好鍾意飲, 又甜又香又好飲, 在賣護膚品的apivita買了蜜糖試試, 自己一向有飲開蜜糖的, 之前飲完後一直唔記得買, 今日o係apivita買skin care時見有蜜糖賣順便買埋。見佢有三款唔同的蜜糖, 見呢款有d糖結精, 一粒一粒的, 就試下囉, 唔想沖水飲時又可以就咁放入口!!   

沖蜜糖飲用時唔好用太熱的水去沖, 要用溫暖水去沖, 同埋唔好用鐵匙去沖, 因為會破壞蜜糖的成份和營養呀!! 

Ipsa Protector Daytime Shield

早陣子成日用的garnier, 清爽係好清爽, 唔係唔好用, 但味道太利害了, 塊面好"吉", 加上得spf17, 有d唔夠!!


有好多朋友都有用ipsa呢款防曬, 話好好用!! 

又一好好用的防曬, 的確係唔錯, 雖然佢唔係最清爽, 但塗上面的感覺係好似係塗一d好簿身的輕透lotion, 好易推開!! 好容易塗開平均, 又唔會有白色感~!!最近最愛呀!! 但....三百幾蚊得30ml......真係貴o左d....!!

Apivta Cleansing Lotion / Qqua Vita Lotion

因為我買了日立的導出導入部機, 我想, 用一D天然一點的lotion做會好些

Euro Go Go凍忌廉朱古力~!好正

超級好飲的凍忌廉朱古力, 次次去都必飲, 好濃朱古力味, 好飲過兜星星的好多!! .....但, 實在肥人, 飲一杯好似食o左餐飯咁飽!

又玩鞋, 又玩水....

自己開始識扶住d野四圍行時, 得閒就去下著大人鞋.....

好鍾意bb呢件o係american apparel買的T呢!! 好鬼過癮

係咪個個都係咁o既呢??

最鍾意洗手玩水!!

Biore Aqua Rich水凝長效保濕防曬乳

以往自己好少買一d開架牌子的防曬, 但自從上年用過Neutrogena的防曬gel, 今年又用過garnier的清透防曬保濕露, 的確對平價品牌的信心提高o左好多!! 而biore又係一款又平又好用的防曬產品!! 

係水水滑滑的gel狀防曬!

推開時有d清涼的感覺, 眼見到一d白色小粒粒, 但手指係感覺唔到有粒狀的東東的, 放心, 只係見到! 推開時仲會變成水珠!!

完全冇油膩感覺, 又唔會覺得乾, 仲有少少清新的檸檬味道。

L'OREAL Hydrafresh 保濕精華

依家一般保濕精華最起碼都3, 4百蚊一枝, 之前用植村秀的保濕精華4百幾蚊得30ml, 日日用又用得快, 有時都幾肉痛。一直都想試下一d開架的精華好唔好用, 因為l'oreal的hydrafresh gel好多人都話又平又好用, 我就試下款保濕精華先。

中間特起, 方便攞起!

見到都覺得透心涼的透明淺綠色gel!

推開後好快吸收晒, 涼涼地, 唔立身好吸收!!   用了一星期, 覺得感覺都ok, 冇敏感冇出粒粒暗粒, 但.....又係好多開架品牌的通病, 有香味, 都真係唔明點解要放香料? 但我覺得都未算勁, 未至於有d直頭覺得聞到鼻都痛埋。因為塗上面有d涼涼的關係, 應該係有酒精, 但酒精會帶走皮膚的油脂, 長遠又唔好, 我用時會用手推開先, 等一陣, 等陣酒精味散走少少時再上面。overall黎講, 依家大熱天時, 早上用佢又的確唔錯。

買衫前先諗一諗

早陣子又pack起好多唔鍾意, 未必再著的衫......! 有d仲未除價錢! 買衫時, 同自己再講多次, 諗一諗先!!

近期最愛的飾物

就係呢條楓葉頸鏈喇!!  唔該老表你山長水遠同我o係美國帶回來!! 哈哈

baby變o左菠蘿包

豬仔呢期變了個菠蘿包!! 

好似公公同老豆講得啱, 成日都唔停口....

bb學自己食野時的好幫手 - soft bib

佢自己食到一天一地都係..... 好過用布的bib!! 

如果佢肯掛o係頸度的話, 都可以一買......

發呆的Baby

一臉正經咁樣

Hitachi 離子機Hada Crie

第一次買的一部機子機, 之前有好幾個牌子的離子機都有留意過, 自己本身都想買haba那部, 因為好多人用過都話唔錯!! 但想買第一取, 之後第三伐又出了, 最終都係決定買日立呢部!! 點解最後自己都係決定買日立呢? 一,大品牌, 有信心。二, 自己覺得亦真係一個很大的賣點, 就係可以用番自己的toner or 精華素黎用, haba個部就係因為要用番佢o地d面膜呀, 精華呀, 又要迫住用番佢o地d野, 先冇買到。


用法簡單黎講, 有2個工能分別係導出和導入, 有4 part選擇, 第一part係導出, 之後的3part都係導入, 每part係5分鐘(啱晒我地呢d阿媽級人馬)!!  話係可以日日用, 但我太約一星期3或4次啦!!  自己通常係做頭3 part, 導出, 導入提升滲透同之後的強化保濕。


每次做完後, 都覺得塊面即時有咁幹緊, 好潤澤, 做了4次左右, 有日化妝對住鏡, 發現鼻頭的毛孔細了, 係好明顯地細了, 問問媽咪覺唔覺, 佢都話覺得!! 

打開後的組件。

more都介紹過呢!!

3歲定80, 細個你已經係咁瘋狂

實在太恐怖喇debbie你

雪花秀 gentle cleansing from勁好用

之前都用o左一段時間金箔洗面皂, sassou的用過, 金華的都用過, 前者係真係好用唔錯, 洗完面後好滑, 又白, 就算凍天用都唔會覺得乾燥, 但金華的唔好講凍天用了, 依家大熱天時洗完面後我都覺得乾, 唔係好得!! 都唔知轉邊只好, 睇雜誌話雪花秀 gentle cleansing from係選舉入頭3位。

第一次用佢o地的產品, 雪花秀比人感覺係, 貴, 但呢枝洗面gel係大約$300, 覺得都可以丫!!

係透明的gel狀, 要起泡先, 我好鍾意o個種香味, 其實係一d中藥味, 但我覺得好似薑撞奶o個陣味, 好warm好舒服, 而且保濕真係一流, 形容洗完面o個種感覺係, d泡泡好似水咁溫和, 洗完塊面好滑, 唔係潤, 但又唔乾。

Jurlique 薰衣草水

我平時喜歡用gel狀的toner, 但天熱時用不得, 最近用回水狀的toner, 冇咩特定牌子, toner好快會用完一枝, 對於我黎講, 邊個牌子都冇咩所謂。但我所謂的冇所謂又唔係咩都得bor, 大前提下一定唔可以有酒精, 一定一定不可以。

自從早幾個月, 冇啦啦去o左買o左枝開架牌子的gel狀toner用到成面起晒暗粒後, 我決定以後都唔會再買一d開架的toner了( but....never say never)

說回jurlique呢枝薰衣草水, 都係受我的衛老闆影響到我, 因為佢係jurlique的fans。成日o係浴室聞到薰衣草, 玫瑰香味(佢勁like佢地的shower gel) , 所以我想像唔到我d toner都係呢種味道........不過, 其實又真係幾好用的, 味道令人好舒服好放鬆, 用了一星期, 覺得面上水油比以前平衡了, (加上我近期轉了幾樣護膚產品), 可能我找對了對象了。