雪花秀 gentle cleansing from勁好用

之前都用o左一段時間金箔洗面皂, sassou的用過, 金華的都用過, 前者係真係好用唔錯, 洗完面後好滑, 又白, 就算凍天用都唔會覺得乾燥, 但金華的唔好講凍天用了, 依家大熱天時洗完面後我都覺得乾, 唔係好得!! 都唔知轉邊只好, 睇雜誌話雪花秀 gentle cleansing from係選舉入頭3位。

第一次用佢o地的產品, 雪花秀比人感覺係, 貴, 但呢枝洗面gel係大約$300, 覺得都可以丫!!

係透明的gel狀, 要起泡先, 我好鍾意o個種香味, 其實係一d中藥味, 但我覺得好似薑撞奶o個陣味, 好warm好舒服, 而且保濕真係一流, 形容洗完面o個種感覺係, d泡泡好似水咁溫和, 洗完塊面好滑, 唔係潤, 但又唔乾。