金寶甜品

又係睇飲食雜誌介紹, o係九龍城的打鼓領道, 平時成日去黃珍珍但都冇留意到有呢間甜品。

有好多推介, 真係花多眼亂, 講真, 樣樣都好吸引! 


大部份係一d日式的甜品, 應該係一d變奏出來的日式新式甜品!!

入到去裝修都好日式的。

點了個雜誌推介的芒果班戟加雪糕配吉士汁!! 真係好好味, 吉士汁又香又甜, 同d芒果好鬼夾, 但汁又唔會太甜!! 總之好食, 唔係一般食開一太舊cream的芒果班戟。

你睇佢個樣, 問佢阿媽

老豆點了個清新一d的柚子芭非!! (後面的m小姐已經唔理我食住先)

媽咪點了個芝士味雪糕, 真的好濃芝士味!! 有d甘甘o地的芝士味道!

阿女好開心, 地方靚靚又多野睇!! 最緊要.....佢係知道有野食!! 哈哈

全部甜品可以自選雪糕, 有12款口味, 特別想試的有柚子, 芝士, 塩味....