2015年1月30日 星期五
About Time 回到最愛的一天
美好的人生, 就是不完美仍想好好繼續
每次看Richard的真的戀愛了, 都覺得好開心, 好感動! 今次有浪漫愛情劇天后Rachel McAdams, 諗起佢已經好有愛情甜蜜蜜感覺!
看完後, 覺得故事比我想像中來得感動多了, 起初以為只係愛情喜劇之類, 但後段時, 我都深深被感動!
講述男主角家族的每一個男人都有穿越時空的超能力, 代代相傳, 在男主角21生日時他知道了這個驚人的秘密, 於是, 他用上天給他的天禮物, 讓生命中原本不太美好的重要時刻, 有了美好的改變!
看這套戲令我有點像看著舊照片, 想著以往的瑣碎事, 那些記憶有苦有甜, 都係生命中重要的片段, 未經歷過那些事情, 就不會有今日的自己, 看電影時,有否留意到男主角在面對挫折時的心態有什麼轉變? 年輕時追求愛情, 有求愛不逐, 記仇多年, 但成為人父後, 用方法幫助妹妹, 這樣的轉變, 正好印證了時間與生活帶比他的歷練
雖然明白緣份有時, 可是當我看到父子兩回到從前時, 還是小男孩的男主角與父親牽手散步時的身影, 我都哭了! 令我想到現在我每天和爸媽見面, 食飯的日子總有一天會結束!這些都是人生必經之事, 然而真正來臨時, 仍係內心難以承受之重! 很多人覺得日常生活好悶, 但有時可會想到一家人齊齊整整, 原來已經幸福無比
有些人有些事, 在當下選擇的那一刻, 已經註定了! 如戲中的父親說: 我們生活的每一天, 都在穿越時空, 我們能做的, 就係盡其所能, 珍惜這趟不平凡的旅情
要珍惜眼前人, 好好過每一天
囡囡都轉用了Sabon
我用了後覺得唔錯, 連囡囡都轉用了, Baby用了皮膚很好呀, 又沒有敏感, 因為試過用一些shower gel真的會敏感!
我最愛係sabon的jasmine shower oil, 好清新好舒服呀! oil但係一D都唔油, 沖完涼又香又滑!
2015年1月29日 星期四
2015年1月28日 星期三
Tom Cruise - Edge of Tomorrow異空戰士, Jack Reacher烈探狙擊
連續兩晚睇了Tom Cruise的兩套戲, 除了他一向拍開的特工, 什麼的動作場面之外, 佢拍笑片應該都唔錯, 點解.....?因為套 Edge of Tomorrow頭一個鐘, 我覺得係笑片, 講述佢在現實和未來之中來來去去, 特別係佢要証明比隊員知道佢有呢個預之能力時的笑料! 不過, 科幻片一向我都唔太感興趣, 我只係想睇Tom Cruise......(我係膚淺),
睇左陣先發覺.....原來之前係睇過....但冇咩印象, 呢兩, 三年少睇戲, 我都唔知點解, 亦想像唔到自己點解可以冇咩點睇戲, 其實係有了小朋友太busy了.....
好多場都係佢要扮吓型仔先啦! 好普通的查案片囉!
2015年1月25日 星期日
2015年1月22日 星期四
Erno Laszlo - Hydraphel Skin Supplement , Phelityl Night Cream
之前買左佢地的基礎護理, 洗面真的唔錯, 仲幫到我解決左我的豆豆問題, 生少左好多!
依家用埋Hydraphel Skin Supplement同Phelityl Night Cream了,
皇牌產品之一, gel狀的保濕露, 可以舒緩肌膚 , 含維他命原B5、天然保濕因子等, 濃稠綿密gel狀 , 又如蠶絲般絲柔細緻質地的保濕露具有絶佳保濕補水效果，可深度給水並平衡油脂!
我起初未用時 , 我有少少怕會出暗粒, 因為真係幾杰的, 用了之後冇出暗粒之餘我簡直係瘋狂地愛上用佢 , 輕輕拍上面好快吸收左咁 , 又唔會笠, 但又可以潤澤番洗完面之後的皮膚! 總之我用過好多好多好多呢類型的gel狀toner, 呢枝我用完之後一定會再買!!
有另一個用法係仲可以加丁點入去粉底度, 加強保濕效果之餘, 仲可以令粉底貼簿一D!
另一個就係Erno Laszlo的水柔豆腐霜 , 我混合性皮膚用, 都係唔會出怪東西! 依家冬天 , 我晚晚都用! 其實就夜晚黎講,
我平時最勁都係用乳霜都OK, 好似呢D咁杰身的 , 我係第一次用! 不過塗上面時 , 又冇想像中咁笠 , 我點形容個質地好呢....?? roll落去睇.......
如果皮膚好油的朋友仔們 , 就自己試試質地先囉!
乳白色的面霜 , 成盒好大盒 , 但其實得50ml!
杰身的 , 陣味係好似雪花膏
攞上手時係好厚身好杰的質地,
但當你推開時 , (我比較鍾意在掌心推開後再塗上面), 在掌心推開時 , 個cream會變得軟綿綿 , 好好推開又好滑咁樣 , 水水咁! 係完全好好推開!
2015年1月21日 星期三
2015年1月20日 星期二
黑魔后:沉睡魔咒 Maleficent
Angelina Jolie點解可以咁鬼索.....?!
看懂了沉睡魔咒了嗎? ......一個女人的自我求贖! !
有時候女人的悲劇, 那就是純情少女遇到負心男人! 當背叛, 反目隨之而起的是懷恨和報復.....其實我相信, 時間可以治癒一切的, 感情事隨著時間過去, 會發現其實愛情並不是生命之中的全部!
2015年1月19日 星期一
末路驕陽Road To Perdition
首先, 係Tom Hanks的戲我都覺得好睇! 舊式的黑幫戲, 其實我對那個年代做背景的戲, 我少看的, 因為係唔喜歡D顏色, 灰灰沈沈!
唔睇到最後, 都唔知道Tom Hanks係好人定壞人, 不過真係好難定義, 一個係養父, 但最後養父想殺自己同埋自己個仔! 人係自私, 為了自己, 最後都唔可以唔出手!
Jude Law今次冇靚仔一面睇, 演一個變態殺手.....
The Words跨越世紀的情書
Bradley Cooper近呢幾年真係好多戲, 好似期期都見佢咁!
我唔肯定呢套戲有冇在香港過? ! 因為揾到的資料不多!! 戲中戲的劇情, 分三個唔同時空, 人物, 交代了原因經過!
其實Clay的新書中所講述的男子Rory(應該是Clay自己後生時發生的事), 用了別人所寫的東西當作成自己所寫出版大賣之後成名, 之後遇上老人知道當年老人寫下的東西是對自己的女人, 女兒的思念!
既然都明知道架啦, 一係就同全部人講自己唔係作者, 但如果選擇了, 就將呢個秘密收起算了!
主角在最後說 "We all make our choices, The hard part is living with them!" 我們在人生中都有會做出許多選擇, 帶著這些選擇生活, 才是人生中最難的一課
2015年1月18日 星期日
變形金剛：殲滅世紀 Transformers: Age of Extinction
集集都有睇, 唔經唔覺, 依家第4集了, D主角都唔同晒了(哈哈, 機械人除外), 女主角由覺得最啱呢套戲的火辣辣又性感帶野性Megan Fox, 到超模Rosie Huntington-Whiteley, 再到今次呢位Nicola Peltz,呢個....真係唔係好得囉, 全程木口木面, 咁激動的情節, 唔該你多D表情, 肉緊下得唔得呢...??覺得佢氣質方面相比之前個兩個辣妹, 佢小女孩一D, 今次唔止係玩男女朋友, 仲有父女情呢!! Mark Wahlberg一向都拍開呢D打得下角色, 我覺得由佢主演唔錯, 因為今次講要去救女!唔揾佢拍, 點得呢?
訂閱：
文章 (Atom)