未聽過佢大名? 好正路, 但估你應該知道《逃》入面成個body紋o左幅監獄地圖o個個skinhead!!
事實上Wentworth 唔係新仔, 雖然個樣似二十四, 查實已經三十有四, 98年入行拍電視,
咁o既質素都可以寂寂無聞埋沒7年做大茄, 450次試鏡經歷幾乎次次都係「返屋企等消息」, 有都做律師丙醫生甲已經算好彩,
年前0係大片《智能殺機》裹面, 慘到做架人工智能戰機發聲, 要同部快譯通爭飯食!!
多得去年一部全世界唔睇好o既《逃》,結果收視破o左美國劇集近八年紀錄, 令Went仔暴升A-list ,
通殺全球女性(亦包括滿腦幻想o既男性)。女fans晚晚期望close up佢雙接近玻璃珠咁透明o既勾魂眼,
基界就力主wide少少睇佢打出fit爆body晒紋身。
事實上冇人諗到Went仔可以將外表憤世內心複雜, 可能源自血統。
英國出生, 美國長大o既佢, 口頭襌係:「我老竇係黑人, 阿媽係白人!」
老竇係美、英、德、牙買加、猶太混血兒, 阿媽就有俄、法、荷、敍利亞、黎巴嫩血統,
十國大混戰後炮製o左左眼珠係寶綠、右眼珠淺啡o既珍品Wentworth。
以上呢啲, 皮相o黎o架姐! 咪以為《逃》入面o既高智商工程師一角係做戲咁做,Went仔真人一啲都唔失禮,
父母係耶魯畢業生, 兩個妹係律師, 而佢本人係普林斯頓英國文學系畢業,
可能平日o係屋企讀莎士比亞, 所以唔夜蒲唔媾女(暫未證實媾唔媾仔),暫時仍係單身,
available呀姊妹們!!
Wentworth裹面文藝, 外表邪氣, 要樣有樣, 要body有body, 即係集純情與狂野於一身, 女人點頂呀?
沒有留言:
張貼留言