Queer as Folk Season 2

好喇, 睇完第二季, 有咩感覺呢? 相比起第一季那種刺激新鮮感覺, 今季就淡少少, 而發展各人的內心戲份就比第一季較仔細, 講得較深入。無論點, 我都會繼續睇。點解呢..?!

1. 越o黎越鍾意Justin, he is cute and sunshine.

2. B/J戀實在太難纏, 太磨人了, 兩人也太妙了

3. 想更了解gay的生活, 他們之間的友誼。

Brian同Justin呢一對, 唔知點講佢o地好, Brian愛Justin, 而Justin都一樣。Brian起初對Justin的抗拒, 到現在, 都俾Justin之前的猛烈攻勢攪到招架唔住, 佢生活當中, 其實早就有這片小小的sunshine進入了, 兩個人亦都一齊生活。講講我比較深刻的劇情, 話說Michael同Justin一齊去製作漫畫, 咁Michael同Justin又冇做啲對唔住Brian的事, 但Brian對住佢o地日見夜見, 就知道咩叫做jealous...仲攪破壞添。尿尿在他們的漫畫上面

但有樣野又好得意喎, o既然係愛Justin, 大可以去表達吓丫, 但Brian唔會去做啲野令Justin覺得佢在乎自己喎, 只會用Brian式的愛法去對待小J, 有集講Justin生日, 係完全冇同Justin慶祝吓, 之後俾Melanie, Lindsay話佢之後, 唉......你唔送好過送, 叫o左只鴨俾Justin做生日禮物...咪話Justin見到之後冇晒笑容, 我見到都想死。

有次Brian在酒吧同Debbie傾計, 其實明眼人都知道Brian係好愛Justin的, 只不過有人嘴硬, 唔肯認, 扮晒野姐!! Debbie同佢講, 如果你係愛佢, 要令到佢知道你在乎佢, 轉個頭Brian係Disco見到小J, 咪又係去同佢講數, 每晚要幾點前番, 仲要比小J講價!

Brian後來想買扎玫瑰俾Justin, 攞起手之後又放番底。其實唔難丫, 買花逗吓佢開心, 如果佢之後係有做番少少野令Justin覺得佢都係在意自己的話..可能Justin唔會同Ethan開始都未定。

o係Brian身上揾唔到自己想要o既野,小J愛浪漫, Brian唔係唔愛佢, 只不過愛的方式比小J心中想要的有出入, 後來有之Michael同Debbie講開Brian同小J, Debbie話: he give him everything, but love.  但我認為, 如果Brian唔愛小J的話, 就唔會為佢做咁多野, 說到附出, 如果你唔愛一個人, 係唔會做到的, 要愛, 才會做得到的!!

近尾分手有集講小J想Brian夜晚留低陪吓自己, 但Brian就去酒吧, 佢地講左句: Brian :you're too young to settled down.  Justin: you're too old to fucked around.  其實小J由開始就一心認為Brian就係佢一切,但後來會走向其他人懷抱, 同我們平常人一樣, 當自己想要或希望對方會做的一些事, 發覺唔work out, 有時就會將自己想要得到或做到的事投去第2個某人身上, 就呢件事上, 我又覺得冇話邊個對同錯!

睇到218時, 唉..某程度上覺得Justin有啲慘, 用"在甜蜜中受罪"形容好唔好呢.? J係對住B, 但自己同自己講, Do you miss me? 仲要自己答番, 掛住呀!! 你唔好再離開我。佢自己都一路同自己講一路苦笑。Brian之後知道Justin同Ethan有路上完床番屋企後就即刻去沖涼, Justin成日都話要沖完涼先肯同佢親熱, B特登攪到Justin有晒反應先至話:你真係好嗅, 去沖涼。呢招我覺得好掂喎!

另一邊廂, Michael, 我一直覺得佢幾可憐架某程度上, 首先, 佢成日around住Brian, 什麼事都Brian行先, 永遠為佢著想, 寧願坐o係架jeep入面等Brian同其他人oral job後再送佢番屋企, 這叫朋友的愛嗎?...而Michael條情路永遠都好似挖緊路咁, David一個情人, 最後亦都冇緣一齊。一個要飛去第二度生活, 決定上機了, 又按到Justin受傷入院o既消息, 又走唔成。算了吧!!  依家到Ben, 又係一波三折, HIV的影響唔止身體機能上面, Debbie媽極力反對佢o地一齊, 同時又同阿媽成日抄大鍋....

Emmett, 我仲諗住佢拍到個有錢碼頭, 上到岸啦..!! 點知...唉..都話老人家唔受到刺激, 間接俾Emmett玩死。Ted呢條又係可憐虫...次次都真心真意鍾意其他人, 但啲人從來唔領情, 今次同Emmett示愛..哈哈..真係唔知到點lu..!!