Skindinavia定妝噴霧 - No More Shine Finish Spray

用心咁化好一個靚妝, 個個都想保持得耐d, 除了打底好粉底靚之餘, 其實一枝定妝噴霧都好緊要!! 但香港人比較冇咁著重定妝噴霧呢樣野, 其實唔好以為有冇都冇所謂, 少少一個步驟, 可以有好大的幫助。外國就比較多人用定妝噴霧, Skindinavia呢個品牌2005年開始專售定妝噴霧起家, hollywood拍戲化妝師愛用, 奧斯卡化妝都愛用, 話可以keep到妝容保持16小時, 加上佢只售一種產品都企到咁耐, 一定有番咁上下!! 有唔同成份for唔同膚質, for油性, 乾性, 成熟膚質。

咁話說可以keep到16小時, 咁小妹又未試過化16個鐘頭妝咁耐, 但依家大熱天時, 即刻今日化好個妝試一試效果先。效果係十級滿意呀!!  中午12點左右化好妝, 到夜晚十點幾番屋企, 只補過一次粉餅, 成個妝係keep得耐好多好多, 唔係講笑, 仲要唔係成日o係冷氣地方喎, 今日行程係中午去旺角同baby攪証件, 下午番屋企餵baby食奶, 坐一坐, 之後去睇樓走黎走去又冇冷氣....夜晚再去食飯。食飯時望一望鏡, 完全冇浮粉同溶妝!!  我就覺得用o左後個妝溶化的速度係真係冇咁快, 同時就算出o左油, 亦都係keep住啞身, 唔會油令令!!  噴上面時感覺係好似噴平時d保濕噴霧咁樣, 但噴完後塊面會有d光澤, 啱啱化完妝後個粉樣冇o左, 粉底變得好貼同時亦有d光澤!! 

噴之前記住要先shake well!!

佢就話妝前都可以用, 但我就冇試過妝前用, 都係妝後用。話就咁對住面打x同t字咁樣噴, 但我就喜歡噴向上, 等佢自然落番塊面度會平均一d, 因為就咁對住塊面黎噴會有d小水珠。記住唔好小氣, 要噴夠份量, 因為我試過求其噴幾吓就算, 但出唔到效果囉!! 

上綱訂番黎, 有credit card就得喇, 有唔同ml可供選擇!! 望穿秋水, 條頸都長埋, 等o左3個星期終於到手了。