RMK 水凝粉餅 Powder Foundation EX

雖然都推出o左一段時間, 並唔係咩新商品, 但真係有新野都唔講住要推推佢先。rmk一向行的路線都係主張追求自然光澤膚質, 透妝唔厚重, 有自然光澤同透明感。自己都幾鍾意用粉餅, 貪佢夠方便。好多唔同牌子的粉餅都用過, 第一次用到呢款係完全唔似係用粉餅的效果(講緊係保濕度同啱啱完妝感)。因為佢含有液狀粉底成份，讓底妝濕潤服貼。

 

係分上下兩層的, 上面係珠光底, 下面係啞色。千萬唔好比佢試上手面時的閃令令赫親, 以為上了臉之後會變了disco ball, 上面後o個種閃令令只會變了皮膚的光澤度而已。

現在秋風起但用了rmk這個粉餅, 皮膚都依然有光澤度, 唔會乾燥起紋。