好喇, 終於輪到用Erno Laszlo的洗面皂喇, 我用之前個心真係十五十六, 唔係D咩事, 只不過係我用皮膚科醫生開比我用的舒特膚Cetaphil oil control, 係好用, 不過因為係控油, 亦都令我近嘴的皮膚好乾, 有成一段好長的時間冇轉用過其他的洗面用品, 有成年差唔多, 所以真係好怕轉用洗面的東東!
我D油油皮膚用呢個黑咩咩的死海礦泥皂係冇錯的啦, 只不過我的同時, 個BA叫我一定要加埋呢枝Pre-Cleansing Oil黎用, 我當時一聽到加埋枝油打底黎用, 已經say no, 但個BA話如果我唔加個Pre-Cleansing Oil一齊用的話叫我不如唔好買.....哈哈, 佢好堅囉!
so far我用左一個月左右, 其實我冇諗過D皮膚係真係改善到, 我係冇諗過的, 我只將少量的Pre-Cleansing Oil塗在我乾的地方, 之後再加死海礦泥皂黎洗, 我之前洗完面乾的地方係真係改善左, 就算依家洗完面之後唔用skin care, 以前覺得乾的地方都冇再甩皮了, 暗粒出少左, 我真係覺得十級欣慰! 洗得乾淨又唔會乾
但如果皮膚好似我咁樣的人就要留意, 全而係油只係有D位會乾, 就唔好落咁多Pre-Cleansing Oil, 如果用得唔好, 一定出暗粒, 因為佢呢款Pre-Cleansing Oil係唔會乳化到, 用清水點過都係油的, 所以我只會用大約無明指長的油, 用在乾的地方, 就OK了
仲有2樣產品黎緊會用喇, 好期待呢, 已經好耐冇試過會用期待呢個形容詞去試用新的skin care!
沒有留言:
張貼留言